ស្វាយរៀង៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានលើកឡើងពីបំណងរបស់សម្ដេចក្នុងការធ្វើឲ្យរោងចក្រទាំងអស់ជាកន្លែងដែលមានសុវត្ថិភាពនិងភាពសុខសាន្ត។

សម្ដេចបានជំរុញទៅដល់ថៅកែនិងកម្មករធ្វើយ៉ាងណាបញ្ចៀសហិង្សា ចែកចាយគ្រឿងញៀន ឬអំពើអបាយមុខផ្សេងទៀត ដែលនេះក៏ស្ថិតក្នុងគោលនយោបាយភូមិឃុំមានសុវត្ថិភាពដែលធានាដល់ប្រជាពលរដ្ឋមុនគេ។

សម្ដេចថា៖ «ខិតខំធ្វើយ៉ាងម៉េចឱ្យម្ចាស់រោងចក្រនិងកម្មករត្រូវបំពេញឲ្យគ្នា។ ធ្វើរួមគ្នាចាត់ទុកវាជាឆ្នាំងបាយរួមទាំងអស់គ្នា»។

សម្ដេចតេជោបានថ្លែងបែបនេះក្នុងពេលជួបជាមួយនឹងកម្មករជាង ២ម៉ឺននាក់នៅតំបន់សេដ្ឋកិច្ចពិសេសខេត្តស្វាយរៀងព្រឹកថ្ងៃទី២៥ ខែមិថុនា ឆ្នាំ២០២៣៕